मित्रांनो, आपला हिंदू धर्मशास्त्र मध्ये ज्योतिषशास्त्राला फार महत्त्व दिले जाते. एखादे मूल जन्माला आले की याच ज्योतिष शास्त्रानुसार त्याच्या जन्मलेल्या वेळेनुसार, वारानुसार व तिथेनुसार त्याची संपूर्ण भविष्यवाणी केली जाते व त्याचे रास देखील काढली जाते. या राशीवरूनच त्याचे असणारे वैशिष्ट्य आपल्याला कळत असतात. त्याचबरोबर जीवनामध्ये होणारे बदल हे ज्योतिष शास्त्रामध्ये सांगितल्याप्रमाणे ग्रहांच्या बदल्यामुळे होत असतात. असेच काही बदल ग्रहांमध्ये झाल्यामुळे काही राशींवर त्याचा शुभ परिणाम घडून येणार आहे. म्हणूनच आज आपण मीन राशीचे ऑगस्ट महिन्यातील मासिक राशिभविष्य जाणून घेणार आहोत.
मीन राशीचे स्वामी गुरु आहेत. तुमच्या पहिल्या घरात राहू विराजमान आहेत. तिसऱ्या घरात मंगळ व गुरु, पाचव्या घरात सूर्य, सहाव्या घरात शुक्र व बुध, सातव्या घरात केतू तर बाराव्या घरात शनी विराजमान आहेत. मीन राशीला सध्या शनीची साडेसाती चालू आहे. मीन राशीच्या व्यक्तींचे आरोग्य महिन्यात चांगले असेल. पण गुरु तिसन्या घरात असल्यामुळे तुमची रोगप्रतिकारक शक्ती कमी पडेल.
त्यामुळे तुम्हाला डोकेदुखी, अपचन, गैस, पोटाच्या तक्रारी, दात दुखी अशा काही किरकोळ समस्या येतील. यांची काळजी घ्यावी. बाकी आरोग्य उत्तम असेल. मीन राशीच्या वि‌द्यार्थ्यांना १६ ऑगस्ट अगोदर चांगले फळ मिळेल. पण १६ ऑगस्ट नंतर तुमचे मन भटकेल. मनात गोंधळ निर्माण होईल. त्यामुळे अभ्यासात मन लागणार नाही. तुम्हाला अधिक मेहनत घ्यावी लागेल.
मीन राशीच्या प्रेमी जोड्यांना या महिन्यात १६ ऑगस्टपर्यंत जोडीदारामध्ये मध्ये राग, क्रोध जिद्द, स्पष्टता पाहायला मिळेल. त्यामुळे तुमच्यात थोडे गैरसमज होऊ शकतात. तुम्हाला काळजी घ्यावी लागेल. तुमच्यात छोट्या छोट्या गोष्टीवरून वाद होऊ शकतात. त्यामुळे शक्यतो वाद टाळावेत. प्रेम जीवनात सतर्क राहावे लागेल.
मीन राशीच्या वैवाहिक जोड्यांना या महिन्यात 22 ऑगस्टपर्यंत चांगले फळ मिळेल. 22 ऑगस्ट नंतर तुम्हाला जोडीदाराची काळजी घ्यावी लागेल. कारण जोडीदाराच्या आरोग्य मध्ये काही चढ-उतार जाणवतील. जोडीदाराला त्वचेचे विकार उद्‌भवू शकतात. याकडे दुर्लक्ष करू नका. यामुळे तुमच्या नात्यात चिडचिडेपणा राहिल. मीन राशीच्या व्यक्तीना भाग्य या महिन्यात चांगली साथ देईल.
जर तुम्हाला कोणतेही महत्वाचे काम, मिटींग, प्रवास, डील, गुंतवणूक, शुभ कार्य, नवीन व्यवसायाची सुरवात करायची असेल तर ऑगस्ट नंतर करा. चांगला लाभ मिळेल. भाग्य अधिक चांगली साथ देईल. मीन राशीच्या व्यक्तीचे करिअर चांगले असेल. ज्या व्यक्ती डिजिटल, ऑनलाइन, कंप्यूटूर, ट्रेवलिंग, मार्केटिंग या क्षेत्रात असतील त्यांना चांगला लाभ मिळेल.
मीन राशीच्या व्यापारांना या महिन्यात 22 ऑगस्ट नंतर चांगले परिणाम मिळतील. एकूण मीन राशीला हा महिना लाभदायक ठरेल. अशाप्रकारे मीन राशीच्या जीवनातील ऑगस्ट महिन्यातील बदल या लेखातून आपण जाणून घेतलेले आहेत.
